Shkolla Fillore “Sandy Hook” kishte fëmijë nga kopshti deri në klasën e katërt.

Presidenti Barack Obama ka thënë se zemrat e popullit janë thyer dhe u ka bërë thirrje amerikanëve për unitet.

“Shumica e atyre që kanë vdekur ishin fëmijë – fëmijë të vegjël dhe të bukur nga mosha 5 deri në 10 vjeç. Ata kanë pasur gjithë jetën para tyre: ditëlindjet, diplomimet, martesat, fëmijët e tyre. Në mesin e të vrarëve ka edhe mësues, burra dhe gra që u kanë kushtuar jetën fëmijëve tanë për të përmbushur ëndrrat e tyre. Andaj, zemrat tona sot janë thyer”, ka thënë presidenti Obama.

Policia ka thënë se autori i dyshuar i tragjedisë në “Sandy Hook” është Adam Lanza, 20 vjeç, nëna e të cilit ka punuar në shkollë.

Ai ka vrarë së pari nënën e tij në shtëpi, për të kryer pastaj vrasjet në shkollë, përpara se në fund të vetëvritej.

*************

Ryan Lanza, një 24 vjeçar, djali i njërës prej mësueseve në shkollën katërvjeçare fillore Sandy Hook në qytetin Newtown, është identifikuar si sulmuesi i cili ka hyrë në shkollë dhe ka vrarë 18 fëmijë, shtatë të rritur, kurse në fund edhe veten.
Sipas gazetës New York Times, ai së pari ka vrarë nënën e tij, mësueses në këtë shkollë, kurse pastaj 18 nxënës të klasës së saj dhe në fund edhe shtatë persona të rritur, para se të ekzekutojë edhe veten.
Sipas agjencisë Reuters, Lanza ka hapur zjarr në klasën ku punonte nëna e tij.
Sipas mediumeve amerikane, supozohet se në fund ai ka vrarë veten, pas arritjes së policisë në vendin e ngjarjes.
Raportohet se policia ka arrestuar vëllanë e tij të vogël, për shkak të dyshimit se ka ndihmuar në sulm.
Pos viktimave në shkollë, edhe e dashura e vrasësit dhe një mik i saj nga New Jersey llogariten si të zhdukur dhe dyshohet të jenë vrarë.
Sulmi është kryer me pushkë automatike 57 mm, i tha agjencisë AP një burim në Washington.
Sipas rrjetit televiziv CNN, në mesin e viktimave janë edhe drejtori dhe psikologu i shkollës.
Hetimet do të tregojnë nëse në këtë sulm ka marrë pjesë aktive edhe dikush tjetër, pasi disa dëshmitarë pohuan se janë dëgjuar të shtëna të njëkohshme nga dy anë

Obama: Jam thellësisht i mërzitur

Presidenti Obama ka dale ne konference per shtyp nga Shtepia e Bardhe, ku ka shprehur keqardhjen e thelle per vdekjen e femijeve, shumica e te cileve ishin teper te vegjel dhe kishin te gjithe jeten perpara. Obama urdheroi uljen e flamujve ne gjysme-shtize, ne nder te viktimave te kesaj masakre. Ai iu drejtua popullit amerikan me fjaline: “Zemrat tona jane te thyera”. Me pas shtoi: “Nuk besoj te kete ndonje prind amerikan, qe nuk ndien te njejten dhimbje therrese, sic ndjej edhe une”, teksa nisi te perlotej.

Sipas tij, populli amerikan ka pesuar shpesh here te tilla ngjarje fatale, ndaj dhe duhen ndermarre masa per te ndalur perseritjen e vazhdueshme te tyre.

Tmerr në SHBA, vriten afro 30 persona, mes tyre edhe fëmijë

Gjatë të shtënave me armë në një shkollë në qytetin Newtown të shtetit Connecticut të SHBA-së, sot janë vrarë të paktën 27 njerëz, në mesin e të cilëve edhe 14 fëmijë, njoftoi rrjeti televiziv CBS, derisa agjencia amerikane e lajmeve AP raporton për 18 fëmijë të vrarë, duke iu referuar një burimi zyrtar por të paidentifikuar.

Disa persona kanë humbur jetën si pasojë e të shtënave me armë zjarri në një shkollë fillore të qytetit Newtown të shtetit Connecticut në SHBA. Sipas mediave, në mesin e të vdekurve ka edhe fëmijë.

Numri i saktë i viktimave nuk është i ditur, ndërkohë që sipas disa raporteve është vrarë edhe sulmuesi. Raportet se bëhet fjalë për dy sulmues nuk janë konfirmuar.

Burime të mediave thonë se kanë ndodhur disa incidente të armatosura në pjesën e shkollës ku ndodheshin klasët për mësim parashkollor.

Shtëpia mediatike amerikane, ABC, raporton se gjatë të shtënave janë vrarë më shumë se 20 persona, në mesin e të cilëve ka edhe fëmijë.

Sipas agjencisë britanike Reuters, shkollën në të cilën u krye sulmi i sotëm e ndjekin fëmijët e moshës nga 5-10 vjeçare.

Newtown ka 27 000 banorë dhe gjendet 130 kilometra në verilindje të New Yorkut.

Zëri i Amerikës: Zoti Haradinaj, mbrëmë kryeministrat e Kosovës dhe Serbisë arritën marrëveshje për menaxhimin e përbashkët të kufirit dhe këmbimin e zyrtareve të ndërlidhjes. Si i shihni ju këto marrëveshje dhe përgjithësisht procesin e bisedimeve?

Ramush Haradinaj: Mendoj se, meqë kemi shumë punë për normalizimin e marrëdhënieve me Serbinë, atëherë çdo e arritur është pjesë e këtij normalizimi. I vlerësojmë edhe këto dy marrëveshje si avancim në drejtim të normalizimit të marrëdhënieve dhe kuptohet se është ndihmesë në përgjithësi për zhvillimet bilaterale Kosovë- Serbi por edhe për regjionin.

Zëri i Amerikës: Duke pasur parasysh edhe përbërjen aktuale të pushtetit në Serbi, a keni besim se këto do të funksionojnë?

Ramush Haradinaj: Po, nuk mund të ndalemi në punë. Me rëndësi është se disa rezultate edhe shihen dhe japin optimizëm edhe për rezultatet të mëtejme. Pra, pa paragjykue epilogun këtyre bisedimeve, mendoj se është mirë të materializohen të arriturat e deritashme, marrëveshjet që janë realizua dhe njëkohësisht të punohet edhe për tema të tjera që kanë mbetur të hapura.
Zëri i Amerikës: Ndonëse thatë se nuk doni të paragjykoni, megjithatë, cili mund të jetë përfundimi i këtij procesi të ri bisedimesh me Serbinë?

Ramush Haradinaj: Unë mendoj se do të ndodhë ajo që pritet besoj nga shumica e qytetarëve në Kosovë dhe në Serbi, një normalizim i raporteve mes Kosovës dhe Serbisë dhe njëkohësisht do të ndodhë një avancim në funksionalizimin e brendshëm të Kosovës, ku Kosova do të mund të bëjë më shumë për qytetarët e vet në veri. Pra, edhe një mundësi e qasjes më të afërt për qytetarët ne veri.

Zëri i Amerikës: Si mendoni se do të përfundojë çështja e veriut?
Ramush Haradinaj: Po është një fat i madh që është menduar për këtë temë edhe para pavarësisë së Kosovës, ashtu si është menduar për serbët edhe në pjesët tjera të vendit. Kuptohet se në etapën e parë, mundësitë dhe të gjitha ato hapësira që janë dhënë për qeverisje për qytetarët serbë, janë shfrytëzuar nga pjesa qendrore e si themi ne, qytetarëve serb të Kosovës. Tani ka ardhë koha beso që edhe qytetarët e veriut t’i shfrytëzojnë këto mundësi, të cilat do të ndihmojnë jetën e tyre dhe do të bëjnë një jetë më të mirë sesa është sot. Pra do të ndodhë një zbatim i përgjegjësive, ose i mundësive i privilegjeve që janë paraparë për serbët çdo kund në Kosovë edhe në veri.

Zëri i Amerikës: Ju e keni mbështetur procesin e bisedimeve, madje nënkryetari juaj është bashkërendues tashmë i bisedimeve? Si e shpjegoni këtë afri a është kjo në fakt edhe njëfarë paralajmërimi i afrimit tuaj më të madhe me kryeministrin e vendit Hashim Thaçi?

Ramush Haradinaj: Në fakt ne jemi afruar me temën në radhë të parë, kjo ka qenë qëllimi ynë. Nuk kemi dashur në një temë të tillë të qëndrojmë larg, për shkak të peshës së saj, për shkak të efekteve që ka në jetën tonë dhe për shkak të rëndësisë. Ky është një qëndrim parimor i yni dhe do të vazhdojë. Ne vazhdojmë me dhanë përkrahje dhe ekspertizën që kemi për bisedat me Serbinë. Jemi të kënaqur që zoti (Blerim) Shala, i ka pranuar përgjegjësitë dhe na ka ardhur mirë për nominimin e tij nga presidentja e vendit dhe vazhdojmë në këtë proces. Po ashtu, ne preokupohemi edhe për zhvillimet e përditshme të jetës sonë në vend, kualitetin e qeverisjes, kualitetin e demokracisë sonë, të sektorëve veç e veç, të rendit e ligjit e shumë temave të tjera në vend, për standardin ekonomik. Andaj ne kemi edhe, si me thanë, opsion, ose zgjidhje edhe për përmirësimin e gjendjes në punët e shtëpisë. Kjo është një temë më vete në të cilën po ashtu i jemi ofruar për bashkëpunim Partisë Demokratike të Kosovës dhe zotit Thaçi. Në këtë ofrim që është ndaras nga ofrimi për temën e veçantë, ne ofrojmë me marrë përgjegjësitë për të qeverisë me vendin, përfshirë edhe vetveten për përgjegjësinë e parë në qeverisje. Është një projekt ideor. Ende nuk ka ndodhë konkretizim apo ulje për ta shqyrtuar këtë projekt, por do të ndihmojmë që të ndodhe dhe shpresojmë që të ndodhë.

Zëri i Amerikës: Domethënë ju do donit të merrnit përgjegjësitë duke qenë kryeministër i vendit? Tani apo pas zgjedhjeve?
Ramush Haradinaj: Synojmë tash. Arsyeja është se deri në zgjedhje do të mund të bëhej shumë punë, me ndihmue që trendët prej tash deri në zgjedhje të jenë të mira. Me e përmirësue kualitetin e qeverisjes në përgjithësi por edhe për të ndihmuar për një proces zgjedhor më kualitativ kur ndodhë, meqë kemi pasur defekte në procesin e shkuar zgjedhor. Pra është një investim që bëhet tash që do të pasojë me zgjedhje dhe pas zgjedhjeve.

Zëri i Amerikës: Zoti Haradinaj, nëse mund të jeni më konkret. A mendoni se zoti Thaçi do të ishte i gatshëm t’ju linte postin e kryeministrit?

Ramush Haradinaj: Nuk mund ta konfirmoj meqenëse nuk e kemi diskutuar dhe shtjelluar deri në fund. I mbetet të ardhmes me u pa. Por, ne rast se do të ndodhte, atëherë ajo që është me rëndësi, do të krijohej një situatë e re dhe një nisje e re edhe për Kosovën besoj e mirë.

Zëri i Amerikës: Nuk e keni diskutuar akoma, nuk jeni ulur ende për ta diskutuar…?
Ramush Haradinaj: Jo, jo ende nuk kemi pasur mundësinë me u ulë konkretisht për temën. D.m.th. është një projekt ideor dhe edhe PDK-ja edhe zoti Thaçi janë të njohur me këtë projekt tonin ideor, por nuk ka konkretizim të tij ende. Mund të ndodhë në ditët që vijnë dhe në javët që vijnë do të trajtohet.

Zëri i Amerikës: A e kushtëzoni me këtë bashkëpunimin zoti Haradinaj? Nëse nuk ka gatishmëri, si do veproni?
Ramush Haradinaj: Ndoshta përgjigja më e kujdesshme është, ne kemi këtë ofertë, nuk kemi ofertë tjetër. Kjo është oferta që ofrojmë. Dhe kushti i vetëm është me na u kriju hapësira me punue. E kam përsëritur se në një gjendje çfarë jemi, që është e vështirë dhe e ndjeshme, unë po ofroj zgjidhjen më të kujdesshme dhe të saktë për të ndihmuar vendin nga dita e parë e mundësisë më fillue me punue dhe kuptohet me vazhdue një trend pozitiv për vendin.

Zëri i Amerikës: Në të kundërtën nuk do të bëheshit pjesë e bashkëqeverisjes….?

Ramush Haradinaj: Paj vetëm këtë variantë e kemi ofruar, vetëm këtë ofertë, për shkak se, e thashë edhe njëherë, është koha e shkurtër deri në zgjedhje. Në variantet tjera, në nuk do të mund të ndryshonim gjendjen aktuale ose, me krijue atë “momentumin” ose ditën “D”, ditën e nisjes për një kualitet tjetër. Atëherë do të prisnim zgjedhjet si një parti politike opozitare, do të ushtronim funksionet tona me kujdes, me përgjegjësi për vendin deri në zgjedhje. Dhe në zgjedhje do të vlerësonim rrugën tonë më tej dje mënyrën se si me qeverisë me vendin.

Zëri i Amerikës: Është parë një shkallë e afrimit mes jush dhe kryeministrit Thaçi. Ai ju priti juve me ceremoni të posaçme pas kthimit nga Haga. A ishte ky një veprim shtetëror apo demonstrim i afrimit ndërmjet jush?
Ramush Haradinaj: Tani, për çdo veprim ka më shumë motive, më shume se një. Unë e kam pranuar si një motiv të mirë të institucioneve të vendit, të kryeministrit të vendit, të qeverisë dhe jam ndjerë i nderuar me pritjen që më është bërë në aeroport. E kam falënderuar kryeministrin personalisht për këtë pritje ashtu si edhe qytetarët edhe të gjithë spektrin politik realisht, që më bëri nderim të jashtëzakonshëm, pa marrë parasysh edhe partitë politike edhe pakicat që më kanë uruar mirëseardhjen në Kosovë, përfaqësuesit e tyre politik. Por, kuptohet, çdo zhvillim i mire krijon ambient për zhvillime të tjera të mira. Mund të jetë edhe kjo në vazhdën e një ambienti më të mirë në vend.

Zëri i Amerikës: Kryeministri Thaçi sikurse edhe kryeministri i Shqipërisë Sali Berisha, para qeveritë e të dyja vendeve kërkuan hetimin e ish kryeprokurores së Gjykatës së Hagës, Carla del Ponte pos tjerash edhe për qasjen e saj në procesin ndaj jush. A do të jeni edhe ju pjesë e kërkesës për përgjegjësi nga ajo?

Ramush Haradinaj: Unë nuk e kam iniciuar një proces të tillë. Por, më vjen mirë në rast se do të ndodhte, për shkak se kemi të bëjmë me parimet e ligjit ndërkombëtarë, i cili ka peshë të madhe për të them ashtu, zhvillimet në raport me ligjin nacional e ndërkombëtar. Dhe korrigjimi i defekteve ta zëmë në ligj, është një zhvillim pozitiv për njerëzimin në përgjithësi, për gjithë popujt, për të gjitha vendet, për gjithë qeveritë e vendeve. Pra, bazuar në principet e ligjit ndërkombëtarë dhe avancimin e ligjit ndërkombëtarë, e mbështes.

Ban Ki Moon shtoi se do të udhëtojë në Kajro të Egjiptit për t’iu bashkuar bisedimeve për paqen. E diela ka qenë dita më e përgjakshme e konfliktit me Izraelin që ka shënjestruar shtëpitë e militantëve të Hamasit.

Gjatë gjashtë ditëve sulmesh detare dhe ajrore të Izraelit ndaj Gazës dhe raketave të lëshuara nga Gaza drejt Izraelit, siç transmeton TCh njoftimet, janë vrarë 86 palestinezë dhe 3 izraelitë.

Militantët e Gaza-s vazhdojnë të lëshojnë raketa drejt Izraelit, teksa janë raportuar të plagosur në qytete, përfshi Ashkelon dhe Ofakim.

Burime nga të dyja palët thonë se përpjekjet për të arritur një armëpushim po vazhdojnë.

Përpjekjet për të arritur një marrëveshje armëpushimi po vazhdojnë. Zyrtarë të sigurisë nga Egjipti kanë thënë se një zyrtar izraelit mbërriti në Cairo për bisedime, por Izraeli nuk ka bërë asnjë koment mbi këtë ngjarje.

Presidenti i SHBA-ve, Barack Obama, duke folur ditën e diel, tha nga Washingtoni se “është në mbështetje të plotë ndaj së drejtës së Izralit për t’u vetëmbrojtur”.

Netanyahu tha gjatë një mbledhje të kabinetit, të dielën, se ushtarët izraelitë ishin të gatshëm “për çdo lloj aktiviteti të mundshëm”.

“Ne kemi marrë një ndëshkim të rëndë nga Hamasi dhe organizatat terroriste, kështu që forcat mbrojtëse të Izraelit janë të përgatitur për çdo zgjerim të konsiderueshëm të operacioneve”, tha ai.

Presidenti i Egjiptit, Mohammed Mursi, tha se një invazion i mëtejshëm i Izraelit do të kishte “pasoja serioze”, duke shtuar se Egjipti nuk do ta pranonte kurrsesi atë sikurse dhe “bota e lirë”.

Liga Arabe, e cila u mblodh në një seancë emergjente në Cairo, do të dërgojë një delegacion të ministrave të jashtëm në Gaza, të martën.

Përpara këtij sulmi, Izraeli kishte lëshuar vazhdimisht raketa mbi Gaza-n, pasi militantë palestinezë kishin provokuar në të njëjtën mënyrë, duke shkelur kufirin izraelit.

Por, bombardimi ajror dhe detar përbën sulmin më intensiv në territorin bregdetar, që kur Izraeli nisi një invazion të fuqishëm rreth 4 vite më parë.

Guvernatori i provincës Assiut i ka thënë televizionit shtetëror se 13 fëmijë të tjerë kanë marrë plagë të rënda.

Autobusi, i cili transportonte 60 fëmijë në një udhëtim të organizuar, është goditur rreth 356 kilometra në jug të Kajros.

Ministri i Transportit, Rasha dal-Metini, ka dhënë dorëheqje për shkak të tragjedisë, duke thënë se ai “merr përgjegjësitë” për aksidentin.

Presidenti Mohamed Morsi ka pranuar edhe dorëheqjen e kreut të Autoritetit Hekurudhor të Egjiptit.

Duke vizituar të paktën 111 vende dhe duke udhëtuar rreth 1.5 milion kilometra, Clinton jorastësisht ka marrë epitetin e sekretares së palodhur.

Andaj, edhe Obama nuk është i gatshëm të lejojë largimin e saj. Presidenti ka thënë publikisht se do të përpiqet të bindë Clintonin për të qëndruar, sidomos për të udhëhequr politikën e Amerikës në Pranverën Arabe dhe në Siri.

Por, duke folur para gazetarëve pas rizgjedhjes së Obamës më 6 nëntor, zëdhënësja e Departamentit amerikan të Shtetit, Victoria Nuland, ka thënë se planet e Clintonit nuk kanë ndryshuar.

“Nuk mendoj se planet e sekretares kanë ndryshuar. E keni dëgjuar të thotë disa herë se planifikon të largohet, t’i kthehet jetës private, të mendojë dhe të shkruajë”, ka thënë Nuland.

Çelësi për një sekretar të mirë të shtetit është marrëdhënia e tij me presidentin, thotë ish-zyrtari i Shtëpisë së Bardhë, Lawrence Haas, aktualisht analist në Këshillin Amerikan për Politikë të Jashtme.

“Sekretari i shtetit zbaton politikën e presidentit të Shteteve të Bashkuara. Një gjë e tillë duhet të bëhet, pa marrë parasysh se kush mban atë pozitë. Mendoj se sekretarja Clinton ka bërë një punë shumë të mirë në këtë drejtim. Nuk ka pasur asnjë ditë mes asaj që Obama ka thënë dhe Clinton ka bërë përpjekje ta bëjë”, thotë Haas.

Nëse Obama nuk arrin të bindë Clintonin që të ndryshojë mendje, kush do ta pasojë atë?

Disa emra janë përmendur si pasardhës të mundshëm. Njëri nga ta është John Kerry, kryesues i Komitetit të Senatit për Marrëdhënie me Jashtë. Ai është vlerësuar për kontaktet e tij të gjera ndërkombëtare dhe ekspertizën në çështjet e politikës së jashtme, duke filluar nga Lindja e Mesme deri në Kinë dhe Rusi.

Kushtetuta e Shteteve të Bashkuara kërkon që emërimet e kabinetit të miratohen nga Senati, gjë që nuk duhet të paraqesë problem për Kerryn, i cili ka shërbyer në këtë dhomë qysh në vitin 1985.

Por, kjo forcë është edhe dobësia e tij. Marrë parasysh se Partia Republikane kontrollon Dhomën e Përfaqësuesve dhe Demokratët e Obamës kanë një shumicë të dobët në Senat, presidenti do të mendojë dy herë për emërimin e një senatori në kabinet, për shkak të rrezikut se një republikan mund të fitojë vendin e tij në Senat.

Në mesin e emrave të lakueshëm është edhe ai i ambasadores së Shteteve të Bashkuara në Kombet e Bashkuara, Susan Rice. Ajo është afro-amerikania e parë që shërben në këtë post, të cilin Obama e ka ngritur në status të nivelit të kabinetit.

Megjithatë, Rice është kritikuar ashpër për komentet që ka bërë pas sulmit të 11 shtatorit në Konsullatën e Shteteve të Bashkuara në Bengazi, ku kanë humbur jetën katër diplomatë amerikanë, përfshirë ambasadorin.

Konservatorët e SHBA-së kanë bërë thirrje për dorëheqjen e saj, duke e akuzuar për mashtrim të publikut në lidhje me natyrën e sulmit.

Nëse Obama emëron atë, ajo do të përballet me pyetje të vështira gjatë seancave të konfirmimit në Senat.

Këshilltari për siguri kombëtare i Obamës, Thomas Donilon, është përmendur po ashtu shpesh si pasardhës i mundshëm i Clintonit. Ai ka shërbyer si sekretar i shefit të personelit në administratën e presidentit Bill Clinton, duke luajtur rol të rëndësishëm në negocimin e marrëveshjes që i ka dhënë fund luftës në Bosnjë, si dhe në zgjerimin e NATO-s në fund të viteve 1990 dhe në fillim të atyre 2000.

“Ai ka marrë përvojë të gjerë në çështjet e politikës së jashtme, të sigurisë kombëtare dhe, krahasuar me dy të tjerët, mendoj se është më i mirëkualifikuar. Ai gëzon respekt të gjerë dhe ka të gjitha mjetet për të bërë një punë të mirë”, thotë analisti Haas. (v.t.)

Në ditët e fundit të fushatës së ngjeshur për të dyja ekipet elektorale, projeksionet kanë treguar se Presidenti Obama ka përparësi të lehtë, por asnjëri prej dy kandidatëve nuk e ka të sigurt fitoren. Gjithçka varet nga shtetet e lëkundura. Që një kandidat të fitojë Presidencën, duhet të marrë të paktën 270 kolegje elektorale. Kolegjet elektorale kanë numër të ndryshëm në shtete të ndryshme dhe janë në varësi të numrit të popullsisë.

Sipas projeksioneve nga qendra të ndryshme projektimi, Presidenti Obama e ka të sigurt fitoren në shtetet demokrate që i japin atij 247 kolegje elektorale. Ndërsa Mit Romnej merr nga shtetet republikane 191 kolegje të sigurta elektorale. Shtetet e lëkundura, që janë tetë, kanë gjithsej 100 kolegje elektorale. Edhe pse Obama sipas sondazheve të fundit ka përparësi të lehtë në shtetet e lëkundura, diferenca me Romnejn ka qenë shumë e ngushtë dhe, duke pasur parasysh përqindjen e gabimit të sondazheve, asgjë nuk shkon nga asnjë kah në këto shtete. Duhet pritur rezultati i votimit për të parë se nga do të anojnë realisht.

Kabineti  preidentit te serbise Tomislav  Nikoliç  ka konfirmuar se  të premten në mëngjes në autostradë ka pasur një aksident, por duke mos dhënë asnjë hollësi tjetër.

“Presidenti Nikoliç shpreh besimin e tij të plotë në anëtarët e Ministrisë së Brendshme të Serbisë,” thuhet në deklaratën e lëshuar nga zyra e presidencës serbe.

Në këtë deklaratë theksohet se  Presidenti beson se do të hetohet deri në fund incidenti i tij.

Sipas mediave serbe incidenti ka ndohur në autostradën Beograd-Nish  ndërsa një oficer  me  automjetin e tij  disa herë ka provokuar kolonën në të cilën udhëtonte presidenti Nikoliç.

Sondazhet tregojnë një garë të ngushtë në mes të dy kandidatëve, presidentit Barack Obama dhe sfiduesit të tij republikan, Mitt Romney.

Të dy kandidiatët, që bënë fushatë në Miduest, shpotitën njëri-tjetrin në lidhje me shifrat e papunësisë së muajit tetor, të cilat treguan për rritje të papunësisë nga 7.8 sa ishte muajin e kaluar, në 7.9 për qind, por, gjithashtu edhe për rritjen më të madhe të vendeve të reja të punës, sesa që është pritur.

Obama tha se vendet e reja të punës dëshmojnë se politikat e tij në katër vjetët e kaluara e kanë vendosur SHBA-në në rrugën e rimëkëmbjes.

Duke iu referuar të dhënave të njëjta, Romney tha se një rritje e lehtë e përqindjes së papunësisë është “një përkujtues i hidhur se ekonomia është në një ngecje virtuale”.

Stuhia është zvogëluar në ciklon pasi ka goditur Atlantik Sitin, Nju Jorkun dhe Nju Xhërsin, mbrëmjen e së hënës.

Afro 6 milionë njerëz kanë mbetur pa energji elektrike.

Autoritetet në Nju Xhërsi kanë lëshuar alarm në një central bërthamor, duke thënë se rritja e nivelit të përmbytjeve mund të bëjë që centrali të shfrytëzojë furnizimet emergjente me ujë për të ftohur shufrat e uraniumit.

* * * * *

Uragani “Sandy” shkaktoi viktimat dhe të zhdukurit e parë menjëherë pasi preku brigjet lindore të Shteteve të Bashkuara.

Sipas zëdhënësit të Guvernatorit të Nju Jorkut janë të paktën 11 viktimat deri më tani të shaktuara nga “Sandy” apo “Frankestorm” sic e quajti media amerikane, duke pasur parasysh se cfarë ishte në gjendje të bënte stuhia.

“Sandy” tashmë nuk cilësohet më si një një uragan, por një super stuhi post-tropikale me erëra të qëndrueshme prej 137 km/h, bëri të ditur Qendra Kombëtare e Uraganeve në SHBA.

Fuqia e tij u rrit ndjeshëm përgjatë rrugëtimit të tij shkatërrimtar, duke lënë pa energji elektrike rreth 2.8 milion banorë. Niveli i ujit arriti në shifra rekord në Manhatan.

Më herët Kryetari i Bashkisë së Nju Jorkut, Michael Bloomberg vuri në gadishmëri popullatën duke paralajmëruar për rreziqet. “Është stuhia e shekullit, rrini nëpër shtëpi”, tha Bloomberg.

“Koha e evakuimit mbaroi”, shtoi Blommberg – “Tani mos lëvizni. Më e keqja pritet ende te vijë”.

Para se të mbërrinte në Nju Jork, “Sandy” shkaktoi rrëshkitje toke përgjatë bregdetit jugor të Nju Jersey, sic raportoi Qendra Kombëtare e Uraganeve.

Ashtu sic pritej uragani “Sandy” po gjunjëzon Bregun Lindor të Shteteve të Bashkuara, duke kërcënuar me përmbytje të mëdha dhe ndërprerje të energjisë, që mund të prekin deri në 60 milionë persona.

Qindra mijëra banorëve u është urdhëruar të largohen nga qyteti i Nju Jorkut dhe Nju Xhersi. Transporti publik është ndërprerë në qytetet përgjatë vijës bregdetare juglindore dhe mijëra fluturime janë anuluar.

Përkthimi është bërë nga persona kompetentë fetarë dhe njohës së gjuhës arabe.

Numri: 1065 Ankara 17/10/2012

Me emrin e Allahut Mëshiruesit Mëshirbërësit

Falënderimi i takon Allahut, Zotit të botëve, i Cili krijoi diellin dhe hënën për llogari. Përshëndetjet dhe selamet qofshin për Muhamedin a.s., i cili e largoi umetin e tij nga injoranca dhe analfabetizmi, duke e ngritur në shkallën më të lartë të shkencave dhe arteve në botë.

Vërtetimi i fillimit të muajve hënorë, në përcaktimin (takvimin) e kryesisë për çështje fetare, realizohet në varësi të vendimeve të Konferencës për pamjen e hënës, e mbajtur në Stamboll më 27-30/11/1978m.

Disa nene prej vendimeve të marra:

1. Thelbësorja është që hëna të shihet, pa marr parasysh, se shikimi është thjesht me sy (pa mjete) apo shikimi bëhet përmes mjeteve vrojtuese shkencore moderne.

2. Sipas mendimit të astronomëve, fillimi i muajit hënor të përcaktuar sipas llogarive, për të qenë i konfirmuar sipas sheriatit islam, duhet të mbështetet edhe në pamjen e hënës me sy (pa mjete) në horizont, dhe atë pa pengesë dhe pas perëndimit të diellit. Kjo pamje quhet “Shikim vendorur”

3. Për ta parë hënën, duhet plotësuar këto dy kushte esenciale:

a) Distanca e këndit të fituar mes diellit dhe hënës të mos jetë më pak se 8 (tetë) shkallë. Siç është e ditur, pamja e hënës fillon në distancën 7/8 shkallë. Janë pajtuar mendimet e të gjithëve se shkalla 8 (tetë) është thelbësorja.

b) Këndi i fituar nga ngritja e hënës nga horizonti gjatë perëndimit të diellit të mos jetë më pak se 5 (pesë) shkallë. Në bazë të kësaj, mund të realizohet pamja e hënës së re me sy (pa mjete).

4. Nuk kushtëzohet që shikimi i hënës së re të bëhet vetëm nga një vend i caktuar. Dispozita e fillimit të muajit mbështetet në mundshmërinë e shikimit të hënës së re në çdo vend të rruzullit tokësor.

Sipas këtyre vendimeve është formuar parimi i vërtetimit të fillimit të muajit hënor, pra me pamjen e hënës së re, kudo qoftë ajo në mbarë rruzullin tokësor. Andaj kryesia e çështjeve fetare turke llogaritjet e saj i ka mbështetur në këto bazamente.

Në bazë të llogaritjeve të cilat i ka realizuar Kryesia me observatorin e austronomisë në Kandeli, hëna e re e muajit Dhulhixhe për vitin 1433 h, pas mbledhjes së realizuar e cila i plotëson kushtet e cituara më lart, vërteton se është bërë shikimi i hënës së re në orën 1:20 pas mesnate, sipas orës botërore, dhe atë në këto vende:

1. Në Oqeanin e Qetë, për datën 15/10/2012 dielli ka perënduar në orën 21:20 të mbrëmjes, kurse hëna ka perënduar në orën 22:44. Në jug të kontinentit të Antarktikut dhe në jug të Amerikës Latine, e cila bie në meridianin e jugut 69 shkallë, 20 minuta dhe 44,952 sekonda, dhe në meridianin e perëndimit 86 shkallë, 17 minuta dhe 56,58 sekonda.

2. Gjithashtu, në Oqeanin e Qetë dhe në fillim të kontinentit të Amerikës së Jugut, me datë 15/10/2012 m dielli perëndoi në orën 18:20 sipas orës vendore, kurse hëna perëndoi në orën 18:58. Ky vend bie në meridianin jugor me 36 shkallë, 51 minuta dhe 56,38 sekonda, dhe mes meridianit perëndimor me 105 shkallë, 51 minuta dhe 48,528.

3. Po ashtu, në Oqeanin e Qetë, pranë Perusë dhe Ekuadorit, me datë 15/10/2012 dielli perëndoi në orën 18:20, kurse hëna në orën 18:45 sipas orës vendore. Këto bien pranë meridianit jugor me 4 shkallë, 23 minuta dhe 7,836 sekonda, dhe mes meridianit perëndimor me 112 shkallë, 11 minuta dhe 12,372 sekonda.

Kur fillon të shihet hëna e re për herën e parë në viset e përmendura më lartë, në atë kohë ende nuk ka mbërritur koha e sabahut në Turqi e as në Mekë. Prandaj, pjesa e fundit e natës në të cilën është parë hëna e re e prekën edhe Turqinë, d.m.th. edhe Turqinë e përfshin nata në të cilën është parë hëna sipas sheriatit islam dhe sipas rregullave të fik’hut, të cilat e përcaktojnë fillimin e natës së muajit të Dhulhixhes.

Në dritën e këtyre të dhënave, dita e martë, që përputhet me datën 16/10/2012, është dita e parë e muajit Dhulhixhe për vitin 1433 h, kurse dita e enjte, që përputhet me 25/10/2012, është dita e parë e Kurban Bajramit të bekuar.