Pjesa e parë filloi me një lojë tejet të baraspeshuar nga të dyja palët. Ishte Barcelona ajo që dominoi në posedim, kurse Real Madridi mbrohej me të gjithë lojtarët, duke parë që në lojë mungonte Pepe dhe ishte një talent si Callejon.

Sidoqoftë, Barcelonës i takuan sulmet e para. Lionel Messi u shfaq rrezikshëm në dy mundësi, në të cilat dështoi t’i japë epërsinë ekipit të tij.

Real Madridi kishte mundësi për dy kundërsulme, të cilat dështuan për shkak se Sami Khedira dhe Karim Benzema ishin tejet të pa disponuar për lojë.

Mourinho dhe Tito Vilanova paqësisht shtrënguan duart para takimit, duke i dhënë fund spekulimeve për rivalitetin mes tyre. Kujtojmë se vitin e kaluar Mourinho e sulmoi Vilanovan duke futur gishtin në syrin e tij pikërisht në ndeshjen e Superkupës të zhvilluar në Camp Nou.

Në pjesën e dytë gjërat ndryshuan shumë. Real Madridi e hap lojën më shumë dhe fillon të kërkojë golin.

Si rezultat, pas një goditje nga këndi të ekzekutuar nga Mesut Ozil, ishte futbollisti më i kompletuar në botë, Cristiano Ronaldo, ai që me kokë më së miri u gjend për të shënuar për 1-0 dhe epërsinë e Real Madridit (54’).

Gëzimi i madrilenëve zgjati vetëm dy minuta. Një pasim mjeshtëror të Javier Mascheranos e shfrytëzoi Pedro, i cili shënoi bukur për 1-1 dhe barazimin e rezultatit (56’). Nga syri jonë, Pedro ishte në pozitë jashtë loje, edhe pse gjyqtari mendoi ndryshe.

Gjykojeni vet…

Në vazhdim të takimit Barcelona e merr lojën në dorë, edhe pse në lojë inkuadrohen edhe Higuain dhe Di Maria. Ndeshja hapet deri në maksimum.

Pas një aksioni nga Andres Iniesta, ishte mbrojtësi Sergio Ramos ai që ndërhyri ashpër në mesfushorin spanjoll, duke detyruar gjyqtarin tejet kontravers të akordojë penalti. Penaltinë me sukses e ekzekutoi futbollisti më i mirë në planetin Tokë, Lionel Messi, për 2-1 (69’).

Real Madridi pa ndonjë opsion shtesë e hap lojën për të kërkuar golin e barazimit.

Këtë më së miri e shfrytëzuan Iniesta dhe Xavi, të cilët organizuan një aksion të mrekullueshëm nga cili realizoi ky i fundit për 3-1 dhe tashmë fitoren e Barcelonës të sigurt në këtë takim (77’).

Megjithatë, i inkuadruari në lojë, Angel Di Maria, i komplikoi gjërat për katalanasit, pasi me golin e tij për rezultatin 3-2 realizuar në minutën e 85-të falë gabimit të portierit Victor Valdes, gjithçka për Superkupën është e hapur.

Ndeshja përfundoi me rezultat 3-2 dhe tashmë gjithçka është e hapur për sfidën kthyese që zhvillohet në Santiago Bernabeu pas një jave. Real Madridit i mjafton një fitore minimale për të fituar trofeun, kurse Barcelona me një barazim do të ishte triumfuese.

Barcelona 3-2 Real Madrid footyroom.com by Futbol2101

Në garë do të jetë ish-presidenti dhe kryeministri aktual, Vladimir Putin kundër katër kandidatëve të tjerë. Por megjithë numrin e tyre, asnjë prej kundërshtarëve të Putin nuk duket se do të jetë një kërcënim real për ta konkuruar atë në garën për president të Rusisë.

Procesi i përzgjedhjes së kandidatëve është konsideruar i manipuluar nga opozita ruse dhe i dyshimtë nga organizata ndërkombëtare. Ato kritikojnë kohën e shkurtër që iu dha kandidatëve për të grumbulluar firmat e nevojshme për të kandiduar për president, si dhe hedhin dyshime të forta mbi procedurën e përdorur nga komisioni zgjedhor që vendosi eleminimin e dy prej emrave më të fortë të opozitës, pasi ata, sipas komisionit nuk kishin plotësuar sipas procedurës ligjore firmat e nevojshme.

Megjithatë varësitë ekonomike, sidomos ato energjitike të Europës përballë Rusisë, bëjnë që BE të mbyllë njërin sy përballë Moskës dhe të mendojë dy herë kritikat në adresë të saj. Ndërkombëtarët janë thuajse të bindur tashmë se pas Medvedev në krye të Kremlinit do të jetë Vladimir Putin.

Por si u ngjit Putin? Një ish-agjent i KGB-së që iu përvesh politikës dhe pas periudhës së të ndjerit Borsi Jelcin promovoi figurën e tij. Përvec disa reformave që rritën mirëqenien e popullit rus, Putin u kujdes të kurojë në popull figurën e një politikani populist me “bëma” që pasqyroheshin herë pas here në media, që nga Putin xhudis, pilot, notar, gjahtar etj.

Më poshtë disa foto nga “aventurat” e Putin:

Një videopërgjim është futur në transmetim direkt televiziv nga avokati i Ilir Metës, z.Spartak Braho dhe sipas tij, komprometon ish-ministrin e Ekonomisë dhe deputet i Parlamentit, Dritan Prifti si dhe ish-zv/ministrin Leonard Beqiraj.

Në një bisedë televizive në Tv Klan me gazetarin Blendi Fevziu, z.Braho i dorëzoi moderatorit një CD ku tha se gjendet një videoregjistrim komprometues, duke konfirmuar se z.Prifti implikohet në video.

Direkt në TV u shfaqën pamje teksa z.Dritan Prifti vendos përgjues tek banesa e tij e po ashtu edhe tek zyra e tij kur ishte ministër i Ekonomisë.

Më tej sikundër shikoni edhe tek fotot nga video e transmetuar, shfaqet z.Prifti në shtëpinë e tij duke pritur ish-zëvendësministrin e Ekonomisë, Leonard Beqiraj, i cili ka një çantë me para në dorë.

Mes Dritan Priftit dhe z.Leonard Beqiraj që i është censuruar identiteti, zhvillohet një bisedë e shkurtë ku në fakt thjeshtë bëhet numërim parash. Beqiraj nxjerr nga çanta 70 mijë euro dhe ia jep z.Prifti i cili numëron eurot bashkë me të.

Në emisionin “Opinion” ku u shfaq videoregjistrimi, përballë Spartak Brahos ndodhej Preç Zogaj si përfaqësues i opozitës, Ministri i Turizmit, Kulturës, Rinisë dhe Sporteve, Aldo Bumçi, e disa të tjerë.

Z.Braho deklaroi se janë në total rreth 187 orë regjistrime. Kurse duke iu referuar videos që bëri publike, tha se është një përgjim 20 minutësh.

Braho deklaroi se këtë video e posedon aktualisht edhe Prokuroria e Përgjithshme. Kurse theksoi se jo të gjithë këtë video 20 minutëshe e posedon organi i akuzës dhe nga ana tjetër u angazhua që në TV direkt, të transmetohej e plotë. Në transmetim rezultoi se ishin rreth 15 minuta regjistrime ku 5 minutat e para nuk kishin zë.

Reagon Dritan Prifti:

“Do të ishte mirë të jepej me zë kjo video sepse dikush e ka ulur zërin me qëllim. Video është 45 minuta. E kam regjistruar unë dhe të garantoj se s’ka asnjë sekondë korrupsion. Është vetëm diçka private. Është një marrëdhënie biznesi privat mes meje dhe personit. Gjykata e nxori si provë të jashtëligjshme”. Do të doja shumë të isha në studio. Ke zgjedhur panel të njëanshëm”.

Reagon dhe Beqiraj, personi i përfshirë në video:

“Jam Leonard Beqiraj, megjithë konsideratën që kam për ju dhe personin tuaj, dua të them se do ishte nderin tim të isha dhe unë në atë emision, pasi po bëhen shumë akuza të paligjshme. Për respekt të hetimeve dhe publikut duhet ta dini se kjo është një çështje private që s’ka të bëjë me detyrën dhe në ambient privat. Z.Braho nuk thotë se unë jam anëtar i Partisë Socialdemokrate gjermane dhe kryetar në rajonin ku banoj në Gjermani”.

noa