TIRANË-

“Edi Rama në mitingun që mbajti në Kamëz, nuk iu nda gjuhës së tij, që vetëm e një kryeministri të ardhshëm nuk mund të jetë. Duke përdorur një fjalor aspak të denjë për një qytetar, jomë për një politikan e njeri që pretendon të drejtojë qytetarët nesër, Rama përdori fjalë nga më fyeset në adresë të qeverisë qendrore dhe vendore (si p.sh. injorantë), thjesht duke përmendur fjalën integrim të shkruar gabim në një tabelë, kur ai vetë këtë fjalë e ka degdisur në errësirat e shpirtit, duke e bërë kurban për ambiciet e tij personale për një karrige, duke e bllokuar procesin e integrimit tri herë radhazi”, u shpreh Mziu.

Mziu nënvizon në reagimin e tij se Rama duke mos gjetur çfarë të thotë tjetër para qytetarëve të mbledhur, iu kundërvu qeverisjes demokratike, teksa e akuzoi se ka përdorur në kontekstin negativ termin ‘bathorizim’.

“PD e cila bëri që të gjithë shqiptarët të lëvizin të lirë në Evropë, të jenë një hap drejt integrimit evropian në një kohë kur ai i ka përdorur ndasitë, si në rastin e fjalimit të tij në Vlorë, ku përmendi termin bathorizim. Ai u premtoi legalizimin, falas, për katër vjet; premton ta bëjë Kamzën si Tirana e bunkerizuar e tij 11-vjeçare, e cila po harrohet, qëkur erdhi Lulzim Basha në krye të bashkisë së saj. Premton një linjë urbane, kur ishte ai vetë në krye të Bashkisë së Tiranës kur u nda linja e Kamzës”, – është shprehur ndër të tjera z. Mziu.

Kongresmeni Rohrabacher i shkruan kryetares së Komisionit Federal të Zgjedhjeve

Kongresmeni amerikan, republikani Dana Rohrabacher, i ka dërguar kryetares së Komisionit Federal të Zgjedhjeve, Ellen V. Weintraub një kërkesë për të hetuar burimin e fondeve, që mundësuan fotografinë mes kryesocialistit Edi Rama dhe Presidentit të SHBA-ve, Barak Obama.

Pas kërkesës në adresë të prokurorit të Përgjithshëm, Eric Holder, kongresmeni Rohrabacher ka vënë në lëvizje dhe kryetaren e Komisionit Federal të Zgjedhjeve, nga e cila kërkohet që me anë të një hetimi të sqarohet nëse është shkelur ligji amerikan. Në faqen zyrtare në internet të kongresmenit republikan, Rohrabacher (http:// rohrabacher.house.gov/sites/ rohrabacher.house.gov/files/ documents/CorrectFECLetter .pdf), theksohet se fotografia e publikuar për fushatë nga kreu i opozitës është siguruar kundrejt një pagese të dyshimtë prej 80 mijë dollarësh e kryer nga një shofer limuzine.

“Është raportuar se Bilal Shehu dhe gruaja e tij kanë blerë dy bileta 40 000 dollarëshe te një mbledhës fondesh për Fondin e Fitores së Obamës 2012, të mbajtur në mbrëmjen e 8 tetorit 2012. Gruaja nuk mori pjesë dhe biletën e saj e përdori z.Rama për të pasur mundësinë të pozojë me Presidentin Obama. Është supozuar në shtyp se 10 mijë dollarë nga paratë e biletave ishin për të siguruar foton. Z. Shehu është një shofer limuzine, i cili raportohet se nuk ka dhënë kurrë më parë para për një fushatë. Është e dyshueshme nëse ai dhe gruaja e tij mund të kenë 80 mijë dollarë për të siguruar biletat në një ngjarje të tillë”, thuhet në letrën e dërguar në adresë të Ellen V. Weintraub, e cila vijon më tej:

“Shtetas të huaj si Edi Rama e kanë të ndaluar të kontribuojnë në fushatat zgjedhore të SHBAve dhe kontributet e pastruara të fushatës nëpërmjet dikujt tjetër përbëjnë krim. Që këto kontribute të dyshuara mund të jenë pjesë e një skeme për të ndikuar rezultatin e zgjedhjeve në Shqipëri, një aleate e NATO-s, e bën këtë një çështje të vlefshme për hetim”. Në fund të shkresës, kongresmeni ngre disa pikëpyetje që, sipas tij, kërkojnë zgjidhje nga një hetim nga Komisioni Feredal i Zgjedhjeve.

“A ka pasur ndonjë konspiracion për të shmangur ligjet zgjedhore të SHBA-vë në këtë rast? Nga erdhën paratë për të blerë biletat në mbledhjen e fondeve? Si erdhi z. Shehu nga Nju Xhersej në Kaliforni për të marrë pjesë në këtë ngjarje? Çfarë bënte një politikan i huaj i spikatur në një ngjarje mbledhje fondesh, nga e cila ai duhej të ishte ndaluar me ligj?”, thuhet në letrën e Rohrabacher.

PANORAMA

TIRANË-

Sipas AK këta 300 anëtarë janë larguar nga FRESSH i Partisë Socialiste për tu bashkuar me AK.

Gjatë një ceremonie mikpritje kryetari i Aleancës Kuq e Zi Kreshnik Spahiu u shpreh se AK është forca e vërtetë politike që në themel të saj ka idealin e atdheut dhe idealin e rinisë.

Spahiu uroi të rinjtë për zgjedhjen e bërë duke u shprehur se PS dhe PD nuk përfaqësojnë më interesat e atdheut, por ato të klanit të mafias dhe të korrupsionit.
Më pas të rinjtë janë betuar përpara flamurit duke u shprehur se të bashkuar rreth flamurit Kuq e Zi do të fitojnë në zgjedhjet e 23 qershorit

ELBASAN

Në fund të mitingut në Elbasan, kreu i PS Edi Rama ka përshkruar pikërisht këtë tunel.

Efektivat e Njësisë Rrugore të autostradës më të re Elbasan – Tiranë kanë mësuar se kreu i opozitës përshkoi rrugën me tunel qe u inagurua, mëngjesin e së dielës nga kryeministri i vendit Sali Berisha.

Takimi elektoral në qendër të qytetit ka nisur në orën 20.00 dhe ka përfunduar rreth orës 21.00, ku më pas kreu i opozitës Edi Rama, këtë herë ka zgjedhur një mjet tip fuoristradë në ngjyrë të zezë, dhe me një shpejtësi marramendëse ka përshkuar rreth-rrotullimin që ndan rrugën e re me tunel me atë të Krrabës duke kaluar nga tuneli i sapo hapur dhe jo nga rruga e Krrabës.

Efektivat e Njësisë së superstradës e kanë konfirmuar zyrtarisht kalimin e kreut të opozitës nga rruga me tunel, lajm të cilin edhe ato e kanë mësuar vetëm pak minuta para se ky i fundit të përshkonte këtë aks të rri rrugor.

“Ndërsa pritej që Rama të kalonte me autobusin e fushatës elektorale, ai ka thyer rregullat duke kaluar me fuoristradë dhe me eskortën e tij nga rruga me tunel”, cituan Efektivat e Njësisë së superstradës.

“Saliu ka një muaj qe me lutet mua per të shkuar në PD: pse lutet? Ai lutet se ne PD nuk ka me asnje njeri, PD eshte bosh, s’ka me njerez, s’ka me vota, s’ka me mbeshtetes”- tha Blushi.

Sipas tij, me kollaj shkon Saliu ne hene me not sesa shkoj ai ne PD. “Me kollaj shkon Saliu prapa diellit me 23 qershor se une ne PD. Saliu ne 23 qershor do shkoje pas diellit se ne tete vjet e jam serioz e varferoi kete vend, i hoqi shpresen, shtoi korrupsion, papunesinë, mungese shprese. Elbasani do ndryshoje pas 23 qershorit, do i japim jete e dinjitet, Elbasanit e gjithe Shqiperise”- tha ai.
Berisha fton Blushin: Te pres ne PD, mbaj premtimin 
Realitet te prekshem e ka quajtur kryeministri Berisha vënien në shfrytëzim të tunelit të Kërrabës, i cili bën realitet  autostradën Tiranë-Elbasan.

Gjate fjales se tij ne kete ceremoni Berisha theksoi se kjo dite do të mbetet në memorien tonë si një ditë e krenarisë individuale e kombëtare.

“Ne sot më 16 qershor të vitit 2013 bëjmë të vërtetë, realizojmë një ëndërr tonën, një ëndërr të gjeneratave të tëra të cilat ëndërronin që një ditë Elbasani, ky qytet i shpirtit dhe zemrës së bardhë të shqiptarëve, djepi i dijës dhe i shkollimit të bashkohet me Tiranën nëpërmjet një tuneli. Emocionet janë të ëmdha dhe ato nuk kanë të përshkruar por kënaqësia është shumë e madhe sepse sot në 16 qershor vendi që vetëm 6 vite më parë kishte rrjetin rrugor më të shkatërruar dhe më të prapambetur po çan malet, po ndërton tunele, kryevepra inxhinierike, po ndërton realitete të reja gjeografike, ekonomike dhe sociale” tha Berisha.

Sipas tij, tuneli është monument madhështor i një modeli, i cili ka vetëm një qëllim përmirësimin e jetës së qytetarëve shqiptarë, mbështetje e suksesit tuaj kudo që jeni.

“Ne bëmë që nëna me fëmijën e saj që kërkon ndihmë të kualifikuar të arrijë në Tiranë në kohë rekord, që studentët e Elbasanit dhe Tiranës që studiojnë në universitete e këtyre qyteteve nuk kanë nevojë më të kërkojnë strehim por të marrin autobuzin dhe për një çerek ore janë në destinacion. Ky model ka qënë një model frymëzës në të gjithë këto vite. Ndaj dhe ne ndërtuam rrugën e kombit, afruam Tiranën me Prishtinën në 2 orë e gjysmë. Ndërtuam dhe po ndërtojmë autostrada në të 4 anët e vendit, nga Hani i Hotit në Shkodër, nga Shkodra deri në Konispol dhe Gjirokastër. Ndërtuam autostradën Lushnjë-Fier-Vlorë, Levan-Tepelene-Gjirokastër. Ndërtuam rrugën e Bregut”- tha ai.

Berisha theksoi me tej se sot, çdo shqiptar nga Konispoli në Vermosh, nga Hani i Hotit në Gjirokastër udhëton në rrugët më moderne, të denja për qytetarët e një vendi të zhvilluar.

“Unë jam mjek dhe për mua trupi i një kombi është i njëjtë me trupin e një individi. Le të jenë si të duan të shëndetshme, organet  e tij, muskujt  e tij, por në qoftë se arteriet janë të zëna dhe nuk funksionojnë, problemi është i madh. Po kështu dhe me vendin. Lë të ketë ai pasuritë më madhore, potencialet më të mëdha, po nuk pati rrugë, po nuk pati zhvillim të gjitha mbeten objekte, asete, pa vlere dhe të fjetura. Për mua trupi i kombit është si trupi i individit. Dija është truri i tij. Ndaj dhe ne në modelin tonë kemi bërë gjithçka që krahas rrugëve të ndërtojmë shkolla, të hapim universitete, të hapim dyert e universiteteve për shqiptarët”- tha ai.

Duke theksuar se tuneli do të bashkojë gjithë shqiptarët si eshte dhe modeli i tij i zhvillimit, punësimit, rritjes së rrogave, e integrimit ka ftuar të gjithë qytetarët e Elbasanit dhe të mbarë Shqipërisë të bashkohen në përpjekjen e maxhorances për Elbasanin e zhvilluar, për Shqipërinë  e zhvilluar.

“Ky është modeli për të cilin ne ftojmë çdo shqiptar, le të shohi modelin tjetër, modelin e dëshpërimit, modelin e zhgënjimit, modelit të pesimizmit, mbjelljes së zisë dhe dëshpërimit kudo. Ky model i fabrikuar nga njerëz pa ide, nga njerëz të ndryrë në autobuzin mavi, kërkon që tunelin tuaj , rrugët tuaja, shkollat tuaja, shtëpitë  e reja tuaja ti mohojë, ti fusë në thesin e Koços dhe bashkë me Koçon në autobvuzin mavi. Ndaj dhe është koha që më shumë se kurrë të bashkohemi. Ne  mbajmë fjalën tonë dhe inaugurimi i sotëm është dëshmi e një fjale të dhënë, e një një fjale të mbajtur para jush qytetarë të Elbasanit, para mbarë shqiptarëve”- tha ai.

Ftesa per kreun e bashkise se Elbasanit

Berisha gjate fjales se tij theksoi se në këtë ceremoni ishte i ftuar kryetari i bashkisë së Elbasanit, qe ai te perfaqesonte qytetarët. “Për arsye partiake ai nuk erdhi por i garantoj elbasanasit të djathtë, të majtë, të pa parti se kjo është vepra e tyre, ta gëzojnë ata dhe mbarë shqiptarët”- tha ai.

Akuza alternative se Rames
Sipas kryeministrit alternativa tjetër ka vetëm një argument. “Atë  e ka kapur sindromi i moshës sime. Dëgjojeni vëllezër se çfarë është ky sindrom. Duke patur vite rinie, pa rini, shoku i autobuzit ka ardhur tek të 50-ta me ide boshe në kokën e tij dhe tani meqenëse nuk kap dot vizionin tonë, nuk kap dot rrugët, autostradat dhe integrimin europian, gërmon dhe gërmon në të shkuarën e tij dhe nxjerr ide të së shkuarës për tua servirur shqiptarëve, mashtrime, mallkime dhe gjëra tërësisht të pavlera, por kjo nuk është përgjegjësia ime. Ai u rrit zvarranik në bunkerë, ndërsa unë u rrita zog malesh dhe ja ku jam si zogjtë që fluturojnë”- tha ai.

Ceremonia
Rreth orës 10:00 të paradites së sotme kryeministri Berisha i shoqëruar nga kryebashkiaku Basha kanë përshkuar të parët tunelin e Krrabës 2.5 km, i cili ndan dy segmentet e tjera të autostradës.

Me hapjen e tij dhe autostraden Tirane-Elbasan qytetet afrohen me shume se kurre, duke kursyer keshtu kohe te cmuar per udhetaret.

Komenti ne FB
Duke komentuar nga faqja e tij në facebook inaugurimin e autostradës, ai shkruan se, “Ajo që deri dje dukej e pamundur, të dielën do të jetë një realitet i prekshëm për të gjithë ne. Nga e diela Tirana dhe Elbasani do të jenë më afër se kurrë, vetëm 15 minuta. Mali i ndante deri dje, tuneli i Krrabës e bën sot Tiranen dhe Elbasanin një. Ne bëjmë të vërteta ëndrrat tona! Ky është zhvillim”, shkruan ai.

Tuneli 
Tuneli i Kërrabës, punimet për të cilin shënuan vlerën e 101 milion dollarëve, investim i buxhetit të shtetit dhe Bankës Islamike për Zhvillim, u realizua në një kohë rekord prej 13 muajsh. Punimet për ndërtimin e tij nisën në muajin maj të vitit 2011, dhe pas afro 9 muajsh filluan edhe  dy kontratat e tjera te segmenteve rrugore para dhe pas tunelit.

Autostrada

Autostrada Tiranë-Elbasan u kursen qytetarëve shqiptarë së paku 40 minuta kohë për të mbërritur në destinacionet e tyre, duke bërë që distanca mes dy qyteteve të përshkruhet në më pak se 20 minuta.

Ajo është rrugë kryesore drejt kryeqytetit për qytetarët e rretheve Elbasan, Librazhd, Korce, Pogradec, Kolonje. Ajo gjithashtu është pjesa e pare e Boshtit te Jugut. ( Cerrik, Belsh, Kucove, Berat, Tepelene,Gjirokaster, Delvine, Sarande).Me ndërtimin e saj skajet ekstreme jugore apo lindore te Shqiperise do te arrijne ne Tirane per me pak se 2 ore me perfundimin e segmenteve qe vijne pas autostrades se re.
Autostrada Tiranë – Elbasan është 27 km e gjatë, me 4 korsi, tuneli është 2.5 km i gjatë, me 7 mbikalime, 21 viadukte dhe 4 nenkalime.
Segmenti I (Sauk -Tuneli i Krrabës gjatësia 13 km)
Segmenti II (Tuneli i Krrabës gjatësia 2.5 km )
Segmenti III (Tuneli i Krrabës – Elbasan gjatësia 11.5 km)

Të gjithë maturantët që i janë nënshtruar testit në datën 31 maj, mund t’i gjejnë rezultatet në linkun e mëposhtëm.

Per te pare notat klikoni linkun e meposhtem:

Rezultatet

Rama dhe Meta firmosën pasditen e 22 prillit në Shkodër marrëveshjen e bashkëpunimit për këto zgjedhje pa sqaruar asnjëra prej palëve se çfarë konkretisht ajo përmbante.
Pas deklaratës që deputeti Nasip Naço bëri nga Berati për Ilir Metën kryeministër u bë një rivalitet midis dy forcave politike.

Në takimet elektorale të kryetarit Rama të gjithë ata që marrin fjalën i drejtohen Ramës si Kryeministri i ardhshëm, ndërsa nga kampi i LSI si kryetari dhe eksponentë të tjerë janë shprehur se posti kryeministror do të varet nga pesha që çdo forcë politike do të ketë në këto zgjedhje.

Në 2 Shtator të katër viteve më parë nga marrëveshja me PD, LSi mori 20% të drejtuesve të çdo niveli, 3 ministri, postin e zv. kryeministrit dhe atë të numrti dy të kuvendit. Me marrëveshjen që Tavo ka zbuluar, LSI-së i takon të marrë gati 50% të posteve ministrore dhe të administratës.

Atë e kanë braktisur, tha Berisha, pasi ka paraqitur alternativën më të rëndë të mundshme me rritje taksash për vendin. Alternativa e tij e re, vijoi më tej kryeministri është;  ma lësho ti se je lodhur, të vijë unë se jam i çlodhur.

“Është aq vulgar, naiv sa nuk ka ku të shkojë. Ka humbur çdo betejë me mua. Tani ka dalë me tezën ma lësho ti se se marr dot , se je i lodhur. Ti rri në autobuz, dhe vazhdo. Ne po ecim të sigurtë drejt një fitoreje të shkëlqyer, që e lexoj në të katër anët e vendit, një fitore që ne do ta shndërrojmë atë në një mirësi të vërtetë për çdo qytetar shqiptar.”- theksoi kreu i qeverisë.

EVA MARKU

PRISHTINE

Në në një intervistë për Telegrafi, ai flet për transformimet e pikëpamjeve të tij ideologjike dhe për përqafimin e besimit islam.

“Jam bërë mysliman në Bosnjë në vitin 1997, kur vrojtova betimin e boshnjakëve myslimanë të cilët betoheshin se kurrë nuk do t’ua bënin serbëve atë që ata ua kishin bërë myslimanëve. Duke e lexuar Kuranin në mënyrën përkatëse, në rrethana islamike, thash: ‘Ky është religjioni im’”, thotë ai.

Schwartz, i cili është njohës i mirë i historisë dhe i letërsisë shqiptare si dhe një kritik ndaj shkrimtarit Ismail Kadare. Ai madje thotë se Kadare kurrë nuk do ta fitojë çmimin Nobel.

“Kadare ka shkarravitur kryesisht noveleçka që vlejnë vetëm për lexime pushimi. I pajisur me një thesar të peizazhit shqiptar, të kulturës dhe historisë, ai është i paaftë të zhvillojë karaktere apo të ndërtojë narracione imponuese. Ai ishte dhe është një therrë e ngritur në pozitë të lartë nga ana e Enver Hoxhës. Hoxha ka vepruar sikur të thoshte se ‘Shqipëria fillon me mua’, dhe Kadare ngjashëm e paraqet veten sikur thotë se “letërsia shqiptare fillon me mua”…. Kadareja është një njeri i cili pasi është i vdekur dhe i paaftë për të çuar më shumë pluhur, do të harrohet shpejtë dhe me meritë… Ai është bërë personi që një herë e kishte përshkruar: një gjeneral i ushtrisë së vdekur”, ka thënë Schwartz.

Sipas tij, Kosova frenohet nga “mafia ndërkombëtare imperialiste humanitare”. Megjithatë, mendon se Kosova është një shoqëri me zhvillim të shpejt dhe interesant.

“Institucionet shtetërore të Kosovës do të forcohen dhe kjo gjë do të përmirësojë profilin e investimeve në vend”, thotë ai.

Kur është fjala tek shpëtimi i hebrenjve nga shqiptarët gjatë Luftës së Dytë Botërore, Schwartz thotë se hebrenjtë ua kanë kthyer të mirat shqiptarëve, sidomos në rastin e pavarësisë së Kosovës.

“Politikanët amerikanë hebrenj, si TomLantos – mbijetues i holokaustit – Benjamin Gilman, Eliot Engel dhe të tjerët (Madeleine Albright, James Rubin, Richard Holbrooke…) – së bashku me Robert Dolen – ishin në rreshtin e parë të atyre që kërkuan intervenim për të ndalur gjenocidin ndaj shqiptarëve. Udhëheqësit fetarë dhe liderët e komuniteteve izraelito-amerikanë po ashtu kanë avokuar për ndihmë për kosovarët. Zëri i tyre u dëgjua”, thotë ai.

Schwartz jeton në Kaliforni, në qytetin që paraqet një ëndërr për shumë amerikanë. Mirëpo, ai ka vendosur që shumë shpejtë të shpërngulët nga atje dhe të jetojë në Kosovë.

“Kalifornia është shumë e shtrenjtë, siç janë vendet tjera ku amerikanët duan të jetojnë. Ndërsa, jeta e mirë është më pak e shtrenjtë në Kosovë. Po ashtu, e dua ushqimin dhe muzikën lokale. Një tas me tarator të freskët dhe një performancë e këngëve tradicionale janë të mjaftueshme për të më mbajtur mua të lumtur, së bashku me miqësinë e shqiptarëve të Kosovës që unë e njoh e për të cilën kam respekt të thellë. Unë preferoj shoqërinë e heronjve, të cilët janë të shumtë në Kosovë, e jo të qyqarëve që sundojnë sot botën”, thotë ai.

(d.b/BalkanWeb)