Në pjesën e parë ekipi kuqezi pati një iniciativë të lehtë në fushë,duke shënuar edhe disa raste të mira shënimi në portën kundërshtare nëpërmjet Edgar Çanit, Hamdi Salihit e Migjen Bashës.

Në pjesën e dytë ekipi i Gianni De Biasit, e nisi mirë duke kërkuar golin e avantazhit. Dhe këtë e arritën në minutën e 67-të nëpërmjet Hamdi Salihit, i cili u shërbye mirë nga Ervin Bulku pas një goditje dënimi, e cila ishte një skemë e ndërtuar mjaft mirë.

Pas këtij goli ekipi kuqezi mund të ndëshkohej nga norvegjezët në minutën e 74-të, por portieri Etrit Berisha evitoi golin e sigurt me një superpritje.

Në minutën e 88-të Shqipëria mbeti me një lojtar më pak në fushë, pasi Andi Lila u ndëshkua me karton të kuq.

Vetëm dy minuta më vonë norvegjezët patën rast të barazonin rezultatin, por portieri Berisha nuk e lejoi topin të përfundonte në rrejtë, duke treguar kështu një formë mjaft të mirë.

Për norvegjezët në këtë takim luajti edhe mesfushori kosovar, Valon Berisha, i cili u aktivizua në lojë në minutën e 77-të në vend të Soderlundit.

Me këtë fitore ekipi kuqezi  shkon në kuotën e 9 pikëve dhe ndan vendin e dytë në Grupin E me Islandën që ka po aq pikë. Me këtë fitore Shqipëria ka shtuar gjasat për kualifikim në botërorin ‘Brazili 2014’.

Mesfushori i Kombëtares Shqiptare Alban Meha ka rrëfyer për  eksperiencën e tij në ekipin e Paderbornit në Gjermani , i cili ndodhet në kategorinë e dytë.Gjithashtu  26 –vjeçari është shprehur i lumtur për ftesën e bërë nga De Biazi në ndeshjen e 6 shkurtit kundër Gjerogjisë ,që konfirmohet si një futbollist i rëndësishëm për projektine itlianit me kuqëzinjtë. I pyetur për ecurinë e kampionatit Shqiptar ai ka thënë se është në nivele të ulëta por  kontributi i talentëve të rinj në një të ardhme të afërt mund ta ngrejë atë në nivele më të larta, të jetë më cilësor .

Alban si ka startuar ky vit për ju ?

Vitin 2013-të e kam nisur mjaft mirë dhe shpresoj që ta vazhdoj po kështu .

Si po ju ecën përgatitja ?

Stërvitja për këtë fazë përgatitore ka ecur  pozitivisht , kemi zhvilluar disa ndeshje miqësore ,mund të them se e kam nisur me këmbë të mbarë.

 Ju luani në kategorinë e dytë në Bundesligën Gjermane , saktësisht me ekipin Paderborn , si ndjeheni në këtë skuadër?

Po,luaj në kategorinë e dytë dhe ndihem shumë mirë tek Paderborn .

Si është marrëdhënia juaj me lojtarët e tjerë dhe me cilin prej tyre keni relata më të mira ?

Në përgjithësi , pothuajse të gjithë lojtarët kemi marrëdhënie të mira në grupin që kemi. Nuk mund të them asnjë në veçanti . Me të gjithë komunikoj njësoj .

Ok, gjërat po shkojnë mirë, por dëshira juaj është që të luani në një ekip më të mirë dhe , pse jo , në Bundesligë ?

Sigurisht, ka disa ekipe që janë interesuar për shërbimin tim . Nuk dua ti përmend tani , po e lë të pazbuluar deri në sezonin e verës , mundet të këtë dhe ndonjë lëvizje tek njëri prej tyre.

A jeni ndjekës i kampionatit Shqiptar dhe për cilën skuadër bën tifo ?

Nuk jam ndjekës i rregullt , madje shumë pak e kam ndjekur . Nuk jam tifoz i një skuadre por shikoj që Skënderbeu është ekipi që ka bërë paraqitjen më të mirë dhe i uroj suksese të mëtejshme .

Si i’u duket niveli i futbollit Shqiptar në krahasim me vendet e tjera ?

Mund të them se kemi bërë disa hapa, përsa i përket Kombëtares, ku shoh s luajnë futbollistë cilëorë dhe që mund të rriten edhe më shumë. Ndërsa ashtu siç e thashë, kampionatin shqiptar nuk e shoh dhe s’di çfarë të them. Ajo që mund të them është se duhet të ndryshojmë nivelin, nëse duam të bëjmë përpara.

Eksperienca juaj e parë në Kombëtaren Shqiptare është ajo kundër Qipros . Si u ndjetë ?

Shumë mirë, madje kisha emocione, porme kalimin e minutave ato u larguan dhe publiku ishte fantastik. Të debutosh me fitore është diçka madhështore.

Jeni gati për miqësoren e radhës ndaj Gjerogjisë ?

Plotësisht gati. Me kamerunin nuk luajta dot pasi isha i dëmtuar, por tani ndihem në formë dhe dua që të bëj më të mirën me  Shqipërinë.

Ku mund të shkojë Shqipëria ?

Në fillim të japim maksimumin dhe më pas të shohim çfarë kemi arritur .

Intervistoi Eva Marku

Sekreti? Shumica e drejtojnë gishtin nga akademia e të rinjve, e cila rekruton shpesh djelmosha jo më të vjetër se shtatë vjeç, duke iu dhënë atyre një edukim të fortë dhe duke ua mësuar stilin unik të lojës së Barçës. Madje, në disa ndeshje të këtij edicioni komplet përbërja e parë ishte me futbollistë të “diplomuar” në akademinë e futbollit të Barcelonës.

Në mbarë botën derbi i La Ligas, i njohur si “El Clasico”, është më i përcjelli nga të gjitha sportet. Rreth 400 milionë njerëz në gjithë botën e përcjellin derbin e rivalëve më të mëdhenj të futbollit spanjoll.

“Natyrisht Barcelona është ekipi më i mirë në botë dhe për këtë nuk besoj se ka dyshime dikush. Një pjesë e konsiderueshme në mbarë botën besojnë se Barça është ekipi më i mirë i të gjitha kohërave në futboll, prejse rregullat e këtij sporti u shkruan për herë të parë në një bar të Londrës në vitin 1962″, tha gazetari i njohur John Carlin, që shkruan për sport dhe politikë. “Kur futesh në ‘Camp Nou’ është sikur të futesh në një katedrale të futbollit”.

Mbi 90 mijë tifozë janë të pranishëm në tribunat e stadiumit që ka një kapacitet prej 99 mijë ulëseve dhe para çdo ndeshjeje gjithë këndojnë himnin “Som i serem” (Jemi dhe do të jemi).

Futbollisti, i cili gjithmonë del i fundit nga tuneli i zhveshtoreve është Lionel Messi. Ai është futbollisti më i mirë në botë, pasi në katër vjetët e fundit ka fituar “Topin e artë”. Për pjesën më të madhe, Messi është futbollisti më i mirë edhe i të gjitha kohërave.

“Po, Messi është superylli i Barcelonës. Mirëpo, te Barça ka edhe yje të tjerë”, thotë shkurt presidenti i Barçës, Sandro Rossell.

Te Arsenal Vermalen, Wilshere dhe Chamberlain janë lojtarët më fanelat më të shitura. Te Liverpool fanelat e Gerrard, Suarez dhe Carragher vazhdojnë të jenë më të kërkuarat. Fanela e Agueros, pastaj Balotelit e David Silvas janë shumë të kërkuara.

Dominim I madh në shitjen e fanelave është tek Aston Villa, ku fanela e sulmuesit Benteke është shitur 70% më shumë së klubi. Chelsea është skuadra e vetme që nuk ka bërë të ditura shitjet e fanelave të skuadrës.

Arsenal
Thomas Vermaelen , Jack Wilshere, Alex Oxlade-Chamberlain
Aston Villa
70% e fanelave te shitura ne dyqanet  Villa Stores i ka  ‘Benteke 20’
Chelsea
Refuzuan te komentojne
Everton
Steven Pienaar, Marouane Fellaini, Nikica Jelavic.
Fulham
Kerim Frei, Mladen Petric, Brede Hangeland
Liverpool
Steven Gerrard, Luis Suarez, Jamie Carragher
Manchester United
Shinji Kagawa, Robin van Persie, Wayne Rooney
Manchester City
Sergio Aguero, Mario Balotelli, David Silva
Newcastle
Yohan Cabaye, Papiss Demba Cisse, Ben Arfa
Norwich
Russell Martin, Grant Holt, Jonathan Howson
QPR
Ji-Sung Park, Adel Taarabt, Djibril Cisse
Reading
Pavel Pogrebnyak, Adam Le Fondre, Karacan
Swansea
Michu, Nathan Dyer, Danny Graham
Southampton
Rickie Lambert, Adam Lallana, Jay Rodriguez
Sunderland
James McClean, Stephane Sessegnon, Sebastian Larsson
Stoke
Peter Crouch, Robert Huth, Ryan Shawcross
Tottenham
Gareth Bale, Gylfi Sigurdsson, Rafael van der Vaart
Wigan
Shaun Maloney, Arouna Kone, Franco Di Santo
West Ham
Kevin Nolan, Mark Noble and James Tomkins
West Brom
Romelu Lukaku, Shane Long, Peter Odemwingie

Javën e shkuar, presidenti rus Vlladimir Putin, me rastin e ditëlindjes së tij, e ftoi Silvio Berlusconin në Rusi. Gjatë këtij evenimenti, padroni i Milanit u takua me kolosin e minierave, Oleg Deripaska i cili, sipas revistës “Forbes”, është njeriu më i pasur në botë, me një kapital prej 16.8 miliardë eurove. Ky i fundit aktualisht është padroni i skuadrës ruse, Amkar Perm, e cila luan në kategorinë e parë. Thashethemet flasin për një ofertë prej 500 milionë eurove nga ana e magnatit rus për Berlusconin.

Me sa duket Berlusconi ka nisur që tani t’i japë jetë projektit të tij të ri për të rimëkëmbur Milanin dhe pak rëndësi ka nëse investitorët e rinj do të jenë rusë apo arabë. I rëndësishëm është fakti që Milani shumë shpejt do rikthehet të dominojë nëpër arenat evropiane.

Manchester United ka pësuar humbje prej 2-3 nga Tottenhami në kryendeshjen e javës së gjashtë në Ligën Premier që u zhvillua të shtunën në Old Trafford.

Mysafirët ishin të shkëlqyer në gjysmën e parë. Ata arritën ta tundnin dy herë rrjetin e vendasve.

Ishte vetëm minuta e dytë e takimit kur Jan Vertonghen shënoi golin e parë për Spursat.

I pandalshmi Gareth Bale u përkujdes që fraksioni i parë i lojës të mbyllej me epërsi të dyfishtë të Tottenhamit (32’).

Djajtë e Kuq e filluan furishëm gjysmën e dytë. Nani pranoi një krosim nga Wayne Rooney për ta ngushtuar epërsinë (51’).

Mirëpo, Clint Dempsey ishte aty për t’i qetësuar tifozët mysafirë me golin e tretë për Tottenhamin (52’).

Shinji Kagawa reagoi shpejtë (54’) për të kthyer shpresat e vendasve pas një asistimi të Robin van Persie.

Deri në fund të ndeshjes, Djajtë e Kuq e kërkuan golin e barazimit, megjithatë nuk arritën të shënonin përkundër rasteve të shumta.

Pas kësaj fitoreje, Tottenham Hotspur ngritet në pozitën e pestë në tabelë me 11 pikë, ndërsa Manchester United mbetet në kuotën e 12 pikëve, në pozitën e tretë. /Telegrafi/

Kështu u shpreh Jose Mourinho gjatë një interviste të gjatë për Sky Sport, ku foli mbi të ardhmen e tij:

“Besoj se do të ndjek gjurmët e Sir Alex. E dashuroj futbollin dhe më pëlqen shumë profesioni i trajnerit. Edhe në moshën 50-vjeçare do të ndihem ende i ri dhe do të kërkoj më shumë nga e ardhmja. Unë jam një njeri i lumtur dhe jeta më ka dhënë shumë, por kjo nuk do të thotë se ambiciet e mia përfundojnë këtu. Mendoj për të ardhmen dhe besoj se ekpserienca do të më përmirësojë edhe më shumë. Unë mund të them se jam ende në fillim të karrierës dhe se më e mira nuk ka ndodhur akoma”, përfundon Mourinho.

Ndeshja Rayo Vallecano-Real Madrid do të zhvillohet nesër duke filluar nga ora 20: e 30. Takimi nuk do të zhvillohet sot pasi që terrenik nuk është bërë gati pas problemeve me ndriqim. Jo zyrtarisht mësohet se tifozët e Vallecanos e kanë shkaktuar këtë problem në protestë për ngritjen e çmimit të biletave në stadium.

Bisedimet me argjentinasi nuk kanë nisur ende, mirëpo Rosell ka thënë se shpreson që marrëveshja të arrihet shpejt.

“Kontrata aktuale e Messit skadon në vitin 2016, por do të ishte e papërgjegjshme nëse nuk e përmirësojmë kontratën e tij. Duhet të mendohen gjëra të tilla. Tash për tash nuk është asgjë në plan, mirëpo gjërat mund të ndryshojnë shumë shpejt. Stafi i trajnerëve e ka përqendrimin për sfidën e së dielës, mirëpo ne shikojmë më larg në të ardhmen. Duhet të niset tash puna për kontratë”, ka thënë Rosell për “Radio Catalunya”.

Messi tre vjetët e fundit është shpallur lojtari më i mirë në botë nga FIFA.

Rosell ka folur edhe për dëshirën që të mbajë kapitenin Carles Puyol edhe më tutje në skuadër. Puyol ende nuk ka firmosur kontratë të re, ndërsa kontrata e tij aktuale skadon në fund të këtij stinori.

“Puyol është ikonë, legjendë, është kapiteni ynë. Do të ishim shumë të lumtur nëse ai do ta përfundonte karrierën te ne”, ka thënë Rosell.