Telefoni synon tregjet në zhvillim, ku energjia elektrike mungon shpesh. Telefoni pritet të dalë në shitje brenda disa javësh. Nokia 105 krenohet me një ekran me ngjyra, me një elektrik dhe Radio FM.

Apple ka deklaruar se do t’i prezantojë rezultatet e saj financiare më 23 janar 2013, ngjarje në të cilën do të merret vesh se si ka performuar kompania dhe disa nga produktet e saj gjatë muajve të fundit.

Në këtë ngjarje mediale, Apple do të jap detaje se sa iPhone 5 dhe iPad Mini ka shitur që nga lansimi i tyre në treg, dhe siç pritet, shifrat do të jenë mbresëlënëse.

Më herët gjatë vitit të kaluar, Apple kishte parashikues që vlera e shitjeve për tre muajt e parë të 2013-tës të arrijnë 52 miliardë dollarë, si dhe të hyrat për aksion të arrijnë në 11.75 dollarë.

Megjithatë, do të jetë interesante të shihet se çfarë të dhëna të tjera do të prezantojë Apple edhe për produktet dhe shërbimet tjera të kompanisë, duke përfshirë numrin e shkarkimeve në AppStore, versionet e mundshme të iOS, sqarime lidhur me thashethemet për iPhone 5S ose iPhone 6, dhe iOS 7. 

Bëhet fjalë për imazhe të përftuara nga sateliti “Suomi”, një projekt ku NASA dhe NOAA kanë vendosur të gjithë kapacitetin e tyre teknologjik dhe intelektual për të dokumentuar me pamje planetin tonë në “netët e errëta”.

Imazhet janë siguruar në periudha të ndryshme kohore, kur moti pa re ka mundësuar këtë. Më pas ato janë përpunuar e janë hedhur në një video që agjencia amerikane publikoi për të gjithë kureshtarët.

Në filmimin e realizuar nga NASA mund të shihen edhe dritat e lëshuara nga qytetet e Shqipërisë. Zona e ndricuar më shumë është Ultësira Perëndimore, aty ku dendësia e popullsisë është më e madhe dhe më pak të ndricuara zonat e thella malore të jugut dhe të veriut të vendit.
Zonat e globit, të njohura si qendra industriale dhe ekonomike të zhvilluara, ndriçojnë më shumë, ndërsa në terr është pjesa më e madhe e Afrikës, sidomos ajo qendrore dhe një zonë e gjërë e Azisë (përfshirë këtu Siberinë thuajse të pabanuar).

Ndërsa po të ndalesh tek Gadishulli Korean, vëren ndryshimin e madh mes një vendi të zhvilluar me ekonomi tregu të lirë, si Koreja e Jugut dhe izolimit komunist të Veriut. Në jug ndricimi është verbues, ndërsa në veriun komunist, ndricimi i vetëm (edhe ky i zbehtë) mbërrin nga kryeqyteti Penian.

Por nëse jeni një përdorues i Firefox-it, Amazon tani ka një rrugë më të drejtpërdrejtë për ju që të zhvendosni përmbajtjen në pajisjen tuaj.

Sapo të shkarkoni shtojcën për shfletuesin Firefox, ju mund të klikoni ikonën Send to Kindle në shiritin tuaj me vegla që me shpejtësi të dërgoni faqen në të cilën ndodheni në librarinë tuaj në Kindle.

Opsione të tjera janë që të bëhet dërgimi i tekstit të përzgjedhur ose për të vëzhguar sipërfaqësisht faqen përpara se të bëhet dërgimi.

Në opsionet tuaja në Kindle, ju mund të zgjidhni që të bëni dërgimin duke përdorur Wi-Fi ose përgjatë shërbimit Whispernet të Amazon (që ju kushton varësisht se ku jeni dhe sa shumë të dhëna dërgoni).

Përveç opsionit për arkivim të dokumenteve në librarinë tuaj në Kindle, ju gjithashtu mund të zgjidhni se në cilat pajisje (për shembull iPad) dëshironi ta dërgoni përmbajtjen.

Ardhja e kësaj shtojce në Firefox është vërtet një arritje e madhe. Amazon thotë që një version për Safari është duke ardhur.

Gjithnjë e më shumë shfrytëzues të iPadëve ose tabletëve të tjerë me Android kanë zbuluar që leximi i librave elektronikë, i revistave apo i gazetave përmes pajisjeve të tyre është shumë më komplet dhe që ofron dukshëm më shumë kënaqësi se sa leximi i versioneve të shtypura në letër. Sipas Mark Donovanit, nga kompania comScore, tabletët kanë ndryshuar fondamentalisht mënyrën se si i marrin informatat dhe lajmet pronarët e tyre, sepse ky format është shumë më i mirë për lexim më të gjatë në krahasim me kompjuterët PC dhe pajisjet smartphone. Po ashtu, lexueshmëria është më e dëshirueshme tek shfrytëzuesit e grupmoshave prej 25 deri 44 vjeç, ku 47,5 janë për gazetat, ndërsa 49.3 për revistat, ndërsa pjesa tjetër lidhur me përmbajtjet e tjera.

Gjiganti i kërkimit thotë se do të lajmërojë vetëm për probleme që mendon se kanë një ndikmim të madh në funksionimin e uebfaqes.

Për shembull, në qoftë se kompania zbulon të dhëna keqdashëse ose vëren një rritje të gabimeve përgjatë kodimit, atëhere ju do të merrni një e-mail duke i’ua vënë në dukje këtë gjë.

Për pjesën më të madhe të uebfaqeve këto gjëra janë të ralla, dhe për të mos e ngarkuar shumë inboxin tuaj, Google bën të ditur që këto mesazhe janë periodike, dhe të grumbulluara në një, me qëllim shmangien e spam-it .

Për më tepër kompania lejon mundësinë e heqjes së këtij shërbimi manualisht, duke mos marrë më lajmërime të tilla.

Të gjithë të zotët e uebfaqeve morën nga një e-mail lajmërues për këtë shërbim.

Wall Street Journal, në mëngjesin e ditës së sotme, duke cituar burime të afërta të Apple ka bërë të ditur se kompania ka filluar prodhimin e tabletit të saj të ri i cili është më i vogël se ai paraprak me madhësi prej 9.7 inç.

Sipas informatorëve, pajisja e re posedon ekran me madhësi prej 7.85 inç, diagonalisht. Rezolucioni në produktin e ri pritet të jetë me i vogël se në tabletin e kaluar por, është e kuptueshme pasi iPad i kaluar ka rezolucion Retina prej 2048 x 1536.

Me rezolucion dhe madhësi më të vogël, pritjet e mëdha për iPad Mini është të zë pozitë të mirë kundër produkteve konkuruese me çmime të larta që ka në treg si Kindle Fire dhe Nexus 7 nga Amazon dhe Google. Sa i përket madhësisë, produkti i ri nga Apple është më i madh por përsa i përket çmimit, pritet që të jetë më i shtrejtë se sa produktet aktuale në treg, të këtij lloji.

Mercedes-Benz ka shfaqur modelin e ri të veturës nga kompania, SLS AMG Coupé Electric Drive në shfaqjen e automjeteve Paris Motor Show.

Vetura më e fuqishme elektrike ka katër motorë elektrik të cilët të kombinuar prodhojnë 740Hp kuaj fuqi dhe mund të arrij shpetësinë 62mph për 3.9 sekonda.

Ndërsa, shpejtësia maksimale është e limituar elektronikisht në 155mph.  Vetura e fuqizuar me bateri, mund të funksionoj i mbushur deri në 249.4 km dhe i duhen tri orë për t’u rimbushur.

Krejt këto tipare vijnë me një çmim. Modeli elektrik kushton rreth 540,000 dollarë, dy herë më shumë se modeli SLS AMG GT i fuqizuar në motorin me benzinë. Vetura do të jetë e gatshme për para-porositje në fillim të korrikut, 2013.

Apple ka qenë në presion të madh ditët e fundit nga akuzat e shumta nga përdoruesit e aplikacionit Maps në iOS 6.

Së fundmi, drejtori ekzekutiv i Apple, Tim Cook ka publikuar një letër të hapur në të cilën ai pranon që aplikacioni i ri nuk ka arritur ti plotësoj standardet e kompanisë dhe se kompania ka bërë gjithçka që ka mundur.

Çuditërisht, Cook ka sugjeruar përdoruesit e Apple të përdorin aplikacionet e kompanive rivale të saj përderisa kompania po përmirëson produktin e saj. Sugjerimet e tij përfshijnë Bing, Mapquest, Waze si dhe aplikacionet e Nokia dhe Google.

Gjithashtu, Cook ka theksuar se kompania e tij po bën “gjithçka për të përmirësuar Maps” dhe ka shtuar se 100 milion përdorues të iOS 6 do të mund të ndihmojnë në përmirësimin e shërbimit.

Është mjaft e papritur që Apple të bëj një deklaratë kaq të shpejt dhe të pranoj fajin në një situatë të tillë. Shpresojmë që kompania shton veprat përkrah premtimeve dhe që së shpejti do të ofroj Maps të përmirësuar për konsumatorët e saj.